تخيل حوار بين اثنين سمعهم ثقيل ........ادخل لتعرف الحوار

حـوار بـيـن اثنين سـمـعـهـم ثـقـيـــــل

تخيلوا لو اثنين سمعهم ثـقيل يتكلموا مع بعض!! . شو اللي ممكن يحصل ؟ تعالوا لنشوف.

اثنين سمعهم ثقيل جداً واقفين على محطة الحافلات (الاتوبيس) ودار بينهم الحوار التالي :

الأول : االحافلة هذه بيروح للمدينة الجديدة؟

الثاني : على الحديدة !!... ليش انت طالب احسان ؟

الأول : بذرة الكتان !! لا ..دي تلاقيها عند العطار

الثاني : جزار!! اه ..قوللي .. عايز تشتري لحمة

الأول : معك حق.. الدنيا زحمة ..لان ميعاد خروج الموظفين

الثاني : نور الدين !! لا والله .. ماعرفوهش

الأول : ما بتشربوش!! ليه ..كفا الله الشر

الثاني : رأس البر !!! ..ده مــصيف هادي

الأول .: عايز تركب للمعادي... دي منطقة جميلة

الثاني : بليلة !! انت شكلك جوعان

الأول : عيان!!! أي والله .انت باين عليك عيان ..طيب ما تروح للدكتور

الثاني: الحنطور!! ده احسن من الحافلة ، وبيوصلني لحد الباب

الأول : هبــــاب !!! وانا اللي كنت فاكرك محترم

الثاني : اتخـرم !! هو مين ؟؟

الأول : عاوز اسـبرين ! ليه انت عندك صداع ؟

الثاني : قراع !!! ينهار اسود . ده مرض خطير

الأول : فطير !!! لا والله مش رايد. وبعدين مش بأحب الفطير. تقيل على المعدة وثمنه غالي

الثاني: خالي !!! انت تعرف خالي ؟ هو راجل كبير في السن

الأول : الجن !!! نهارك مش فايت ..انت عليك عفريت .!؟

الثاني : لا والله ..ممعاييش.. انت عايز الكبريت ليه ؟ عايز تولع؟

الأول : أدلع !!! أدلع عليك انت!؟ انت ما تملاش عنيا

الثاني :يقبضوا عليا !! ليه !؟

الأول : انت غريب يا راجل انت..شكلك شحات ، ( يدفعه من القميص) روح اشتغل شغلة تاكل منها عيش

الثاني : خيش !!! والله ده صوف انجليزي

الأول: بنتك زيزي !!! ربنا يخلي...

الثاني : أنتاج محلي !!!! ده مستورد

يمر رجل امن ... يلفت انتباه الحوار، : بتعمل اش تعملو من لوه!!!

الاتنين: نعم يا سيدي...احنا مستنين الأتوبيس

رجل الامن :جواسيس !!!! نهاركم مش فايت ....قدامي على القسم بسرعة ...